-->
random

آخر المواضيع

random
recent
جار التحميل ...
recent

مين الجاني؟ بقلم الشاعر: خالد المنصوري مصر

 مين الجاني؟
خالد المنصوري مصر

مين فينا كان الجاني
ومين منا اتجني عليه
عاش عمره كله اناني
بيبيع ويتشتري فيه
مين منا عاش مخدوع
وبيلعب دور المظلوم
راح هيبكي دم بدل الدموع
عشان ظلم حـبـيـبه يوم
الغدر والخيانة أصل طبعك
ظــلـم وإهانـة فــي دمك
ياخسارة ألــف خسارة
لو كان فى ناس بتحبك
بـتـبــيـع ولا بـتـقـدر
وبأغلى الناس بـتغدر
حابـب تـعـيشها وتأمر
مغرور سفيه مـتـكـبر
أصل الجمال غواك
وعشان كتير يـهــواك
تـكـسـر قـلوب حباك
وتبيع فى ناس شرياك
كـــل الـلـى بـيـحـبـوك
عـلـشـان جـمـالـك بـس
ولا لحظه يوم حسـوك
وأنـــتـا ولا بـتـــحـــس
عشقوك عشان يغووك
لطريق شيطان الـجـنس
خونت ودوست عـلـيا
وأدى أخرتك شوف وبص
مــاشــى بـتـصـرخ الأه
يخسارة عــلي اللى ضاع
إنتا إاللى قولت بنفسك
وداع وألـــــــف وداع
مشيت ورا شــيـطانك
ده شيطان سليط خداع
إشــرب مـــرار وألام .
وحـــس بــأالأوجــــاع
هان عليك نفسك
وبقيت انت مبسوط
اخد ايه من اللي غشك
ولعبت دورك مظبوط
اديك عرفت ميــن الخاين
وأظن كلامى اهو باين
قلبى كان ليك دايما صاين
وانت اهوه كــنت الجاني
مين فينا كان الجاني
ومين منا اتجني عليه
عاش عمره كله اناني
بيبيع ويتشتري فيه
خالدالمنصوري

مين الجاني؟ بقلم الشاعر:  خالد المنصوري مصر Khaled Al-Mansouri
الكلمات المفتاحية :

التعليقات



إذا أعجبك محتوى مجلة نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد النبراس السريع ليصلك جديد المجلة أولاً بأول ، كما يمكنك إرسال رساله بالضغط على الزر المجاور ...

إتصل بنا

المحررون المتواجدون لآن

أنت زائر مجلة النبراس هذا العام رقم

Logo

Logo

احصائيات

View My Stats

شاركه

جميع الحقوق محفوظة

مجلة النبراس - أدبية ثقافية إلكترونية

2017/2020