-->
random

آخر المواضيع

random
recent
جار التحميل ...
recent

"شقة و بدرون" / الشاعر : عادل_______عوف - دمياط -

في حارتنا بيت صاحبه مهاجر
"شقة و بدرون"

الكل بـ يخاف يجى يمه علشان مسكون
بيسمعوا أصوات منه وبيشوفوا عيون
بالليل تبحلق من طاقه في شيش البلكون
....................
البيت قديم صاحبه مهندس كان واد أخلاق
و عمره عايش في الحاره و ابوه حلاق
لا سمعنا يوم حن وزاره علشان مشتاق
ولا حتي كلف ناس تسعى و يشفولوا له زبون
...................
هبت في راسي ان انا ادخل جواه و اشوف
ان شالله حتي يكون جوا فيه غابات و كهوف
وأسود جعانه وتعبانه وحارس حلوف
م الجن قاعد ومصمم يحفظ ويصون
...............
سرسبت روحي من المغرب و معايا كشاف
وصاحبى اللي في يوم أقسم علي عينه دا شاف
ومعانا واحد كام خطوه و إستندل خاف
وفاتنا فجأة وقام يجري لواحده الملعون
...............
من فوق سطوح البيت ندخل ولا من الباب
سألت صاحبى و أنا واقف مستنى جواب
مالقيتش رد يطمنى و هرب الكداب
بحجة انه مريض عمره بعصب القولون
..............
شقيت جيوب البيت فجأة بمشرط من نور
ونزلت وطلعت لواحدي فرحان مسرور
لا شفت حاجه تخوفني ولا جانى شعور
أندم علي العكس بغامر وكمان ممنون
..................
القصد تفهم من بدري الخوف دا مخيف
لوخفت مهما عينيك شافت هتعيشها كفيف
أما اللي عايش بيجرب بقي واد حريف
وسهل في الدنيا يهدف ويجيب ميت جون
عفويات
عادل_______عوف
بيت_قديم



الكلمات المفتاحية :

التعليقات



إذا أعجبك محتوى مجلة نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد النبراس السريع ليصلك جديد المجلة أولاً بأول ، كما يمكنك إرسال رساله بالضغط على الزر المجاور ...

إتصل بنا

المحررون المتواجدون لآن

أنت زائر مجلة النبراس هذا العام رقم

Logo

Logo

احصائيات

View My Stats

شاركه

جميع الحقوق محفوظة

مجلة النبراس - أدبية ثقافية إلكترونية

2017/2020