-->
random

آخر المواضيع

random
recent
جار التحميل ...
recent

دويتو (جوازۃ مفتريه) المعازيم / الشاعر : خالد المنصوري/مصر

دويتو
(جوازۃ مفتريه)
المعازيم
الليلة ليلتك يالعريس...سيبك يلا من التهييس
هيبقالك بكره وريث....وتعيش بقي وتهيص
....................................
العروسه
قرب حبيبي عليا...بليلتك السودة ديا
وَعد وأنكتب عليا...أتجوز جوازة فقرية
....................................
العريس
قلت أتجوز جوازۃ سعيدۃ....طلعت الجوازۃ انتيكا
الفرح قلب لجنازة...وطارت مني الأجازة
....................................
العروسه
كنت فاكره هقضيها فى سعاده...مقولتلكش تعالى ورايا
دايماً لازق بقفايا...عامل فيها دور العشري
عايش مقضيها سوحط...بتاكل ملوخية وكشري
....................................
العريس
قلت أتجوز وأتلم...وأبعد عنى الغم
وأخلي العيلة تتلم...ويفرح الأخ والعم
طلعت حبيبتي مفترية...وطالعة من الإصلاحية
تضرب شلوط وبونية...وبوظت الليلة ديا
.....................................
العروسه
هتسكت ولا اديك...فاكريني هموت فيك
مش هحلف وهوريك...وأمي هتدعي عليك
وطبيخي خسارة فيك...مراتك مجنونة ونكدية
....................................
العريس
طب بالراحة ومتزقيش...اه يانا ياما مكنليش
عروستي طلعت نكديه...وهتلطع جنانها عليا
وهبقي لجنانها ضحية..اتجوزت ذكي شان
بتضرب بكل مكان...وبقيت راجل غلبان
مضروب وكمان عيان...وكله عشان فستان
أأجره اشتريه تعبان...يا وقعتي المهلبية
....................................
العروسه
فستانك ده تعبان...وسالف تمنه كمان
من حبك للنسوان...عاملي فيها فنان
نسيت ايام زمان...كنت تبات جعان
وحياتك لاوديك البرستان...هتعمل فيها عيان
وتشتغلي فيها جنان...لوريك بقي شغل النسوان
....................................
العريس
اه ياانا ياما في حيرتي...جوازة هتقطم وسطي
هطلع جوازي وفيزتي...هسافر شايل خيبتي
....................................
العروسه والعريس
قول يا حبيبي قول...شكلنا هنقضيها فول
كان في زمان عقول...دلوقتي بقت وردية
ومحدش حاسس بيا...قالوا الجوازة ستره
لبست عقال وغتره...ومعملتش حساب بكره
ادعولي انت وهي...أسيبني من الجوازۃ ديا
ما حبيبتي طلعت مفتريۃ

خالد المنصوري/مصر


الكلمات المفتاحية :

التعليقات



إذا أعجبك محتوى مجلة نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد النبراس السريع ليصلك جديد المجلة أولاً بأول ، كما يمكنك إرسال رساله بالضغط على الزر المجاور ...

إتصل بنا

المحررون المتواجدون لآن

أنت زائر مجلة النبراس هذا العام رقم

Logo

Logo

احصائيات

View My Stats

شاركه

جميع الحقوق محفوظة

مجلة النبراس - أدبية ثقافية إلكترونية

2017/2020