-->
random

آخر المواضيع

random
recent
جار التحميل ...
recent

أنا حكايه / الشاعر : احمد طلبه - مصر -

أنا حكايه

في نفس مكان لوقانا زمان
اروح وأفضل أنا انادي
يمر ال وقت بيا قوام
وعمري راح علي الفاضي
وانا واقف ومستني وأقول يمكن هنتلاقا
يعدي الوقت يقتلني
ولسه كمان بستناها
يعدي الوقت يهزمني
حنيني لعشرتي معاها
وبرجع تاني مع نفسي
أعيش في الحلم وياها
بتوحشني
وقلبي واخدني اه ليها
بحن لمسكتي ايديها
لكن برجع مع حالي
وأقول انا بردو مش ليها
بموت جوايا وبداري
ماحبش احكي اسراري
لكن أصعبها من ناري
بإني ماهبقي يوم ليها
انا حكايه ومجهوله وعايش في هوا النسيان
لقصه حبي انا الأولي مابين الحزن والكتمان
وانا اللي بضحكه مرسومه علي ملامحي تقول فرحان
لكن انا روحي مشغوله علي حبيبي ومش بيبان
يا نار الحب بكفايا
كفايا تعبت مش قادر
لا حب العمر ويايا
ولا حتي بقيت صابر
انا الحزن اللي جوايا
دا متخبي بقالو زمان
مجرد ذكره في مرايا
وعايشه في حطام إنسان
انا حكايه ومجهوله وعايش في هوا النسيان
لقصه حبي انا الأولي مابين الحزن والكتمان
وانا اللي بضحكه مرسومه علي ملامحي تقول فرحان
لكن انا روحي مشغوله علي حبيبي ومش بيبان

احمد طلبه


الكلمات المفتاحية :

التعليقات



إذا أعجبك محتوى مجلة نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد النبراس السريع ليصلك جديد المجلة أولاً بأول ، كما يمكنك إرسال رساله بالضغط على الزر المجاور ...

إتصل بنا

المحررون المتواجدون لآن

أنت زائر مجلة النبراس هذا العام رقم

Logo

Logo

احصائيات

View My Stats

شاركه

جميع الحقوق محفوظة

مجلة النبراس - أدبية ثقافية إلكترونية

2017/2020