-->
random

آخر المواضيع

random
recent
جار التحميل ...
recent

لوعة شوق / الشاعر : رمضان عبد الله أحمد - مصر -

لوعة شوق

مش مصدق اني شايفك
بعد غياب وكان طويل
لكن قلبي تملي عارفك
كل ساعاتى نهاري وليل
كنت بعيد بس عن العين
لكن قلبي كله حنين
كنت شاغل دايما بالي
قلبي ف بعدك كلي انين
كنت بفكر ليل ونهار
ومن الفكر القلب احتار
عايش تايه في بعادك
واتغير حلو حياتى مرار
المسني ايوه بايديك
وريني الحب ف عينيك
حسسني بوجودي معاك
مانا اللى قلبي دايب فيك
نفسي اوصفلك فرحة قلبي
ايوه تعال جمبي ياروحي
قرب يلا حسي بحبي
لقانا دوًب كل جروحي
عايز اهديلك اجمل حاجه
تسمح تقبل نن العين
حاجه بسيطه مش محتاجه
مانت ليا اغلي الغاليبن
وشمسنا أهي فرحت بينا
ونورها نوًر ليالينا
وقمرنا قال كام موال
فرًح بيه قلبنا وعنينا
ووردنا جمالها بيزيد
وبترقص اهي على اغصانها
وجاني ف احلى الموعيد
والغنوة احلوًت الحانها
ولوحدها شبكت ايادينا
والدمع غايب عن عينينا
والفرحة وصلت لقلوبنا
وعازولنا راح من حولينا

بقلمي / رمضان عبد الله أحمد


الكلمات المفتاحية :

التعليقات



إذا أعجبك محتوى مجلة نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد النبراس السريع ليصلك جديد المجلة أولاً بأول ، كما يمكنك إرسال رساله بالضغط على الزر المجاور ...

إتصل بنا

المحررون المتواجدون لآن

أنت زائر مجلة النبراس هذا العام رقم

Logo

Logo

احصائيات

View My Stats

شاركه

جميع الحقوق محفوظة

مجلة النبراس - أدبية ثقافية إلكترونية

2017/2020