-->
random

آخر المواضيع

random
recent
جار التحميل ...
recent

قصيدة: مالك ياقلبي للشاعر/ خالد المنصوري

مالك ياقلبي


مالك ياقلبي ايه اللي جرالك؟
ميـن ... بيسـعــى لعــذابك؟
بكـتنى ليــه دمـوع مــن دم
مش عارف إيه بيجرى لك؟

يادنيا ليه ؟ قاســيـة عـليــا
مــا فـيــكِ لمـســـة حــنيــة
كــل مـا أقــول عـليا تحـنى
ألقى الدمــوع ماليــة عـنيـا

يا دنيــا ليــه ... معــانـدانى
بتعيدى جـرحــى من تـانى
نفـسـى بـأة تنســينـى مـرة
هـو انتِ ليــه مســتلمـانى؟

ليــه كل فرحــة ألاقــيهـا
تاخــديهــا منى وتـرميهـا
ليــه دايمـا منـى واخـدانـى
إمـــتى الفرحـة يوم ألاقيهـا

روحـى وراحـت مـنـى خـلاص
الدنيـا مـا عــاد فيهــا إخـلاص
قولوا لى فين من حزنى أروح
لــو تعـرفــوا دلـــونـى يـا نـاس

الدمعــة ف عــينى ما بتســـيـبنى
والحــزن ســاكـن ... وحــاببنـى
مــاشــى ورايـا منيـن مــا أروح
مـتمـســك بيـــا .. دا عـاهــدنـى

يا حزن إنسـانى إعمل معروف
القلب داب من غـيــر مايشــوف
نفســى ...فــى لحــظـة حــنيــــة
بـالدمــع كـتبت كـلام وحــروف

ف الدنيا دى مـش لاقيــة مكــان
نفـســى أكـــون ف خــبــر كان
لا ف يــــوم ابـكــى ولا أشــكى
أرتـاح وتــرتـاح منى الأحــزان

جـوايـا صرخـة وميــن يسـمـع؟
الطعـنــة ف قلبى آه بتـوجــع
يارب وحــدك عــالــم بـالحــال
إرحـمنى وللـدنيــا مــا هــرجـع
قصيدة: مالك ياقلبي  للشاعر/ خالد المنصوري
Popular literature

مالك ياقلبي

خالد المنصوري
الكلمات المفتاحية :

التعليقات



إذا أعجبك محتوى مجلة نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد النبراس السريع ليصلك جديد المجلة أولاً بأول ، كما يمكنك إرسال رساله بالضغط على الزر المجاور ...

إتصل بنا

المحررون المتواجدون لآن

أنت زائر مجلة النبراس هذا العام رقم

Logo

Logo

احصائيات

View My Stats

شاركه

جميع الحقوق محفوظة

مجلة النبراس - أدبية ثقافية إلكترونية

2017/2020