-->
random

آخر المواضيع

random
recent
جار التحميل ...
recent

أنا والقلب ...للشاعرة : نعيمة نقري


أنا والقلب ...

أنا :
شافـت عيـني واش مـا يتحمـل قلـب
سامحني قلبـي شحــااال قسيت عليك
سـامحنـــي ونعاهــدك ماعنــدك ذنـب
كي درت الي عليك جات الضربة فيك
سـامحنــي ونعاهـدك بحليــف الحـب
نت قلبـي ونـا الــي نتحاسب بيــــك
ڨعــد ڨبالـــي نڨـولـك كلمــــة ترهـب
نبكـــي ونبكّـــي عـدويــا ونبكّيـــــك
يا قلبي كي كنت في صدري تضــرب
ونايـا فاهمــة خبيطــك ونخلّيـــــــك
يا قلبـي كـي ندير كي يطيح المغـرب
تتفكّرلــي حبيب وحبيبـك ناسـيـــك
ياهـل تــرى نسـاك ولاّ غــي يجــرّب ؟
وتسـدّي بالشــكّ شبكـــة وتآذيـــك
يا قلبــي تحطّيتلــي مابيــن جعــب
وذيك الرصاصة حالفتلي ما تخطيك
آآآه آقلبـــي ... ندرّڨـك ولا نهـــرب ؟
أنــا ويّــاك ڨــع جينـا فـي هاذيـــك
لو نمــدّك للرصـاصــــة تتّعطــــــب
ونايا كيفـاش في عطبي نحميك؟؟؟
يا ڨلبـي صعبــة ومـازالت تصعـب
لا دمعـة تبـرّد الخواطر كـي نبكيك
ضحّكتــو مـازااال بركــان يسيّـب
ويكـوي فيّا قبل جمرو مـا يكويـك
أنا ونت خبــال وخبــال يعـــــذّب
كيفاش نصفّي شواقي ونصفّيك ؟!
يا قلبي ديرلي حدودي وين تحب
ونا رهــن اشارتـك ونت ماليــك
ڨلبي:
يا نعيمـة الڨلب ڨلبك ويـن يهـبّ
ويلا نحكـم فالهـوى غيـر نعيّـيك
نبـرى بعـد الكسـر ونزيـد ونرغـب
ونرغب فالتكسار ثاني ونواتيك
يا نعيمة الشوق مثل لمطر يصب
وما نقدرش انا عالشوق نغطّيـك
هيّـاي يـذا تساعفينـي للمضــرب
ونخرجوها من لعمـاق التيتانيك
ونعيدوهـا كيف كانت ولا عجـب
ونبدّلــو حـوارهـا ونــا نفديــــك
دار العشق خلات كي قال وعيّب
نبنوها مجديـد والعشّـاق تجيـك
أنـا نلحــد ويـن تتقـــدّر ونحـب
ومع حبّـي ما ندخّل حد شريـك
ومازلنا متجادلين الروح وقلب
ويذا تفصل بيناتنا هاماذابيك 

الشاعرة : نعيمة نقري 
أنا والقلب ...للشاعرة : نعيمة نقريPoem of literary poetry
أنا والقلب ...للشاعرة : نعيمة نقريPoem of literary poetry
أنا والقلب ...للشاعرة : نعيمة نقريPoem of literary poetry
الكلمات المفتاحية :

التعليقات



إذا أعجبك محتوى مجلة نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد النبراس السريع ليصلك جديد المجلة أولاً بأول ، كما يمكنك إرسال رساله بالضغط على الزر المجاور ...

إتصل بنا

المحررون المتواجدون لآن

أنت زائر مجلة النبراس هذا العام رقم

Logo

Logo

احصائيات

View My Stats

شاركه

جميع الحقوق محفوظة

مجلة النبراس - أدبية ثقافية إلكترونية

2017/2020