مش محتاج
*********
مش محتاج بعنيا أشوفك
صورتك ساكنة ف نبض القلب
وإن ماسمعتش نبرة صوتك
هأتخيل كروان عن قرب
عمر البعد ما فرق بينى
وبين أحساسى معاك بالحب
إبعد وأقسى وحاول تنسى
ودارى شعاعك شرق وغرب
طيفك يكفى ف ظلمة ليلى
ويخفف فى البعد الكرب
مش محتاج
***********
مش محتاج لشعاع الشمس.
طول ما غرامك بيدفينى
أيوه الحضن ساعات واللمس
غذا للروح يا للى ناسينى
بس أنا روحى سايبها معاك
طول ما البعد حارمنى لقاك
حتى لروحى مش هاحتاج
مش محتاج
***********
لسه ربيع القلب مجاش
أيوه ف بعدك مأتهناش
بس سنين العمر بتجرى
والشوق ناره ما بتهداش
مش محتاج أوصف إحساسى
وإزاى ليل ونهارى بأقاسى
وانت حبيبى طبعك قاسى
مش محتاج
************
محمد عبد المنصف
*********
مش محتاج بعنيا أشوفك
صورتك ساكنة ف نبض القلب
وإن ماسمعتش نبرة صوتك
هأتخيل كروان عن قرب
عمر البعد ما فرق بينى
وبين أحساسى معاك بالحب
إبعد وأقسى وحاول تنسى
ودارى شعاعك شرق وغرب
طيفك يكفى ف ظلمة ليلى
ويخفف فى البعد الكرب
مش محتاج
***********
مش محتاج لشعاع الشمس.
طول ما غرامك بيدفينى
أيوه الحضن ساعات واللمس
غذا للروح يا للى ناسينى
بس أنا روحى سايبها معاك
طول ما البعد حارمنى لقاك
حتى لروحى مش هاحتاج
مش محتاج
***********
لسه ربيع القلب مجاش
أيوه ف بعدك مأتهناش
بس سنين العمر بتجرى
والشوق ناره ما بتهداش
مش محتاج أوصف إحساسى
وإزاى ليل ونهارى بأقاسى
وانت حبيبى طبعك قاسى
مش محتاج
************
محمد عبد المنصف
الكلمات المفتاحية :