-->
random

آخر المواضيع

random
recent
جار التحميل ...
recent

الوضع المقلوب الشاعر محمد عبد المنصف

الوضع المقلوب
============
الوضع فى البلد دى
محتاج مفهوميه
مليان بحاجات كتير

واسرار مداريه
وإن سيبنا حاجات تعدى
ها يعدى غيرها ميه
وسيبونا من السياسه
ما تظبطولنا الطاسه
غاويين ليه الصداع
وتموتوا فى الغلاسه
لا شفنا حرامى تاب
ولا بطل نهب فينا
وما فيش كلمة عتاب
ولا أحكام بتراضينا
صعبان عليا نفسى
ماأنا أصل كان فى نفسى
تعوم بينا السفينه
ونجدف كلنا
مش دا كان حلمنا ؟
نرسى على شط لينا
قلتوا لنا الوضع هش
وأتارى كلامكوا غش
سيبتونا ناكلها مش
وانتوا اللحمه السمينه
تملوا انتوا الكروش
ومن مالنا بتغرفوا
وإن فاض منكو قروش
تقولوا لنا إتصرفوا
ما الخزنه فاضيه أهى
هو انتوا مابتشفوش؟
ياناس حرام عليكوا
حطوا حصوه فى عنيكوا
وإلا إنتو ما بتخافوش ؟
أبقى عريان هدوم
والجيب مليان خروم
وتعبت من الهموم
وبرضه عليا لوم
وبراءة الذئب فيكوا ؟
مش مالك غير دعايا
حسبى الله عليكوا

محمد عبد المنصف

ربما تحتوي الصورة على: ‏‏شخص واحد‏، و‏‏نص‏‏‏
الكلمات المفتاحية :

التعليقات



إذا أعجبك محتوى مجلة نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد النبراس السريع ليصلك جديد المجلة أولاً بأول ، كما يمكنك إرسال رساله بالضغط على الزر المجاور ...

إتصل بنا

المحررون المتواجدون لآن

أنت زائر مجلة النبراس هذا العام رقم

Logo

Logo

احصائيات

View My Stats

شاركه

جميع الحقوق محفوظة

مجلة النبراس - أدبية ثقافية إلكترونية

2017/2020