-->
random

آخر المواضيع

random
recent
جار التحميل ...
recent

لساية بَندَم عَ لى فاتنى من سنين ..بقلمى/ وائل ساليم عبدالله

لساية بَندَم عَ لى فاتنى من سنين
والدموع جواية تِنده عَ لى ساب فية الحنين
نفسى أصرخ
نفسى أحضن فية صورتِك
صوت بيتململ فى قلبى 
صوت بيصرخ إنى خنتِك
رجِنى .. وإتزلزلت فيه المعانى
ملِنى.. وإتزنزنت فيه الأغانى
إيه فاضلَك بعد موتَك
مين هيرحم ليك وعودك
قلب تانى
بيتشنق جواه سكوتك
تِلقى فيه الدم شايل كتم صوتك
شئ بيفضل يندفن 
جوة ف تابوتك
يااه
لساك بتصرخ من الألم ومن الفراق
ما إتبعترت فيك الثوانى 
والحروف إتبدلت فيها الموانى
وإنت واقف جوة نارك
لسة بتتهجى ف سلام
لسة بتردد معانى 
والكلام هو الكلام
لسة تانى!
بتحفر الليل بين عنيك
حاسس إيديك 
رعشتها لسة بين إيدية 
وإنت حاضن فية شوقى
وإنت بتتهجى ف عنية
شوفت جرحى إللى إنت بتفتش عليه
عرفت إنك فية ساكن 
دلوقتى إيه.....
لساك بتتملى ف ملامحى
لتشدنى 
تلحق بيبانى لتنقفل
لتسد بابك
علشان ما جرحى يندمل 
..........................بقلمى/ وائل ساليم عبدالله

ربما تحتوي الصورة على: ‏‏شخص واحد‏، و‏‏نص‏‏‏
الكلمات المفتاحية :

التعليقات



إذا أعجبك محتوى مجلة نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد النبراس السريع ليصلك جديد المجلة أولاً بأول ، كما يمكنك إرسال رساله بالضغط على الزر المجاور ...

إتصل بنا

المحررون المتواجدون لآن

أنت زائر مجلة النبراس هذا العام رقم

Logo

Logo

احصائيات

View My Stats

شاركه

جميع الحقوق محفوظة

مجلة النبراس - أدبية ثقافية إلكترونية

2017/2020