-->
random

آخر المواضيع

random
recent
جار التحميل ...
recent

الصوره زور مصطفى رشدى

الصوره زور
لما الليل يعشق سواده
ويحبس النور
لما الطير يخون صياده
بجناح مكسور
لما تزرع الف بذره ف
ارض بور
تبقى الصوره زور
ما بلاش غرور
تسألنى عن الورد اللى زهزه فى بستانه
اهى دبلت الزهور
تسألنى عن حلم الشباب ف عز ريعانه
اهى سكنت القبور
تسألنى عن مجارى الفقر وعن سكانه
اهى طفحت شرور
مش قلتلك الصوره زور
مادين إيدينا للحياه وبينا وبينها
الف سور
واهمين عنينا بالضى والعين صايبها
الفتور
ووشوش بتضحك يا خى والحزن مالى
الصدور
مش قلتلك الصوره زور
طب خليك صبور
لما تجرى ورا بكره ويتوه منك
وسط الشهور
لما تبنى الف فكره ومحبوسه منك
ف الجحور
لم تكتب ف الحق كلمه وتضل منك
فى السطور
تبقى لسه الصوره زور
شايف الخجل بيتلاشى والعين ماليها
الفجور
وموازين العدل بتتمايل وف كفوفها
الف جور
وحيطان بتلمع واللى جوه منها بيت
مهجور
صدقنى الصوره زور
لملم الفطره اللى ف چيناتك والحم فيها
الكسور
رمم الشرخ اللى ف حياتك يالا صرخ يالا
ثور
يالا كفر عن سكاتك وارصف بدمك طريق
عبور

مصطفى رشدى
 ربما تحتوي الصورة على: ‏‏‏شخص أو أكثر‏ و‏نص‏‏‏
الكلمات المفتاحية :

التعليقات



إذا أعجبك محتوى مجلة نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد النبراس السريع ليصلك جديد المجلة أولاً بأول ، كما يمكنك إرسال رساله بالضغط على الزر المجاور ...

إتصل بنا

المحررون المتواجدون لآن

أنت زائر مجلة النبراس هذا العام رقم

Logo

Logo

احصائيات

View My Stats

شاركه

جميع الحقوق محفوظة

مجلة النبراس - أدبية ثقافية إلكترونية

2017/2020