-->
random

آخر المواضيع

random
recent
جار التحميل ...
recent

قصيدة/الزمان حفظ الرواية ك/أحمد عبد الرحمن صالح

قصيدة  الزمان أحمد عبد الرحمن صالح

قصيدة/الزمان حفظ الرواية


ليه بتبكي عل اللي راح 
وانتِ رفضه م البداية

كل ما انسي وقول خلاص
تفتحي نفس الحكاية

إيه جرالك شوفي حالك
ولا كدبك مش كفاية

ولا عجبك موج دموعك
اللي مش راكب معايا

الف قصة قرتها قبلك
في طريق مفهوش هداية

لما جيت افرح بقربك
الجراح كتبت رواية

فيها اسمك جنب اسمي
والوداع أجمل نهاية

فكره تايهة بين اماني
في زمان مجهول هوية

فين وعودك اللي كانت
ترسم الاحلام ورايا

من النهارده خلاص نسيتها
مستحيل أقبل جباية

اللي بنا راح لحالة
والنصيب كتب النهاية

كنت شايل ليكِ بسمه
لسه صوتها بين هوايا

بس يخسارة لقتها
دمعة معكوسه ف مرايا

صورة بهتانه بحلمي
رفضه لوجودك معايا

اوعي تاني تعشقي
في زمان حفظ الرواية

وإن قدرتي تصدقي
إني قلبي كان له غاية

يبقي كل كلامي وهم
وصفي ليك مش كفاية

غصب عني لازم أبعد
وارمي أوهامك ورايا

صعب جداً عل زيك
توهب الاحلام رعاية

صدقيني فوقت منك
يلي في بعادك مُنايا


ك/أحمد عبد الرحمن صالح
الكلمات المفتاحية :

التعليقات



إذا أعجبك محتوى مجلة نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد النبراس السريع ليصلك جديد المجلة أولاً بأول ، كما يمكنك إرسال رساله بالضغط على الزر المجاور ...

إتصل بنا

المحررون المتواجدون لآن

أنت زائر مجلة النبراس هذا العام رقم

Logo

Logo

احصائيات

View My Stats

شاركه

جميع الحقوق محفوظة

مجلة النبراس - أدبية ثقافية إلكترونية

2017/2020