-->
random

آخر المواضيع

random
recent
جار التحميل ...
recent

مات الكلام...للشاعر: أحمد طلبة


مات الكلام 
ولا عدش نافع غير 
سكات
أصل السكّات 
بقت طريقه للهروب 

من الانكسار
والأنهيار
من ناس ياعيني كل يوم
طفحه المرار
ومن سكات
راضيه بهمومها
واللي مكتوب عالجبين
تضحك ياعيني بس
هما موجوعين
ودا كله من سكات
=======
رغم الأهات
في قلوب كتيره
لسه عايشه عاللي
فات
فاكره مانسيا
حلم اصبح
ذكريات
رغم الحنين
القلب لسه يا ناس
حزين
كان نفسنا لو حتي
نفرح لو يومين
أيام مايعلم بيها
إلا ربنا
وهو وحده بس
واهب معجزات
والمعجزات
متجيش لناس
غاويه السكات
=========
إحنا بقينا بجد
نعشق الكلام
عايزين نكون
وياريت نكون
وإزاي نكون
وإحنا بجد عايشين
نيام
وف ثبات
واللي بنصبح فيه
عليه نبات
الدنيا دي
مش عايزه نوم
ولا حد يندب حاله
مع الهموم
الدنيا دي
عايزه الكفاح
عايزه اللي يشقي
بس باله مرتاح
مش علو صوت
ولابسكوت
عايزه ناس ما تهاب
خوف ولاحتي موت
مش ناس تعيش في الوهم
يا دوبك من سكوت

=======
احمد طلبه
٢٠١٧/٧/١٣




الكلمات المفتاحية :

التعليقات



إذا أعجبك محتوى مجلة نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد النبراس السريع ليصلك جديد المجلة أولاً بأول ، كما يمكنك إرسال رساله بالضغط على الزر المجاور ...

إتصل بنا

المحررون المتواجدون لآن

أنت زائر مجلة النبراس هذا العام رقم

Logo

Logo

احصائيات

View My Stats

شاركه

جميع الحقوق محفوظة

مجلة النبراس - أدبية ثقافية إلكترونية

2017/2020